փակել փակել

Էն սարերը

Խոսք: Աշոտ / Գուսան (Աշոտ Հայրապետի Դադալյան)
Երաժշտություն: Աշոտ / Գուսան (Աշոտ Հայրապետի Դադալյան)
Էն սարերը ձյուն են հագել,
Մի՛ հարցնեք հալիցս,
Հագել են ու ճամփան փակել,
Խաբար չունեմ յարիցս:

	Մի հայացքով սիրտս առավ,
	Առավ ու իր հետ տարավ,
	Թողեց մոլոր, աչքս՝ ճամփին,
	Ո՞նց դիմանամ այս ցավին:

Կռունկի պես անցավ, գնաց,
Գարուն կգա, ե՛տ կգա,
Քնքուշ ձայնը սրտիս մնաց,
Գարնան շնչի հետ կգա:

	Մի հայացքով սիրտս առավ,
	Առավ ու իր հետ տարավ,
	Թողեց մոլոր, աչքս՝ ճամփին,
	Ո՞նց դիմանամ այս ցավին:

Գուսան Աշո՛տ, ա՜խ, մի անգամ
Յարդ քեզ մի համբույր տա,
Համբույրի հետ անմահական
Ծաղիկների բուրմունք տա:

	Մի հայացքով սիրտս առավ,
	Առավ ու իր հետ տարավ,
	Թողեց մոլոր, աչքս՝ ճամփին,
	Ո՞նց դիմանամ այս ցավին:
Աղբյուրներ: Երգարան (Շարա Տալյան, Վաղինակ Չաքմիշյան - Երևան 1966)