փակել փակել

Արդյոք ուր ես

Խոսք: Վահան Տերյան
Երաժշտություն: Նիկոլ Գալանտերյան
Ես չգիտեմ՝ ուր են տանում հեռավոր
Ուղիների ժապավեններն անհամար,
Ես նստում եմ ճամփի վրա ամեն օր
Եվ աղոթում և թախծում եմ քեզ համար.

	Օձանման ոլորումով հեռախույս
	Ինձ կանչում են ուղիները բյուրավոր,
	Արդյոք ո՞ւր ես, արդյոք ո՞ւր ես,
	Խորհրդավոր արշալույս,
	Արդյոք ո՞ւր ես, արդյոք ո՞ւր ես,
	Հանդիպումի պայծառ օր։

Եվ իմ մոլոր ուղիներում, ո՞վ գիտե,
Գուցե մի օր դու երևաս լուսերես։
Գուցե ժպտաս քո խոսքերով արծաթե
Եվ մութ սրտիս նոր խնդության լույս բերես։

	Օձանման ոլորումով հեռախույս
	Ինձ կանչում են ուղիները բյուրավոր,
	Արդյոք ո՞ւր ես, արդյոք ո՞ւր ես,
	Խորհրդավոր արշալույս,
	Արդյոք ո՞ւր ես, արդյոք ո՞ւր ես,
	Հանդիպումի պայծառ օր։
Աղբյուրներ: Երգարան (Շարա Տալյան, Վաղինակ Չաքմիշյան - Երևան 1966)