Սազիս լարը սրտիս լարն է,
Սազից անգին բան չունեմ, յա՛ր,
Սազիցս շատ քեզ սիրեցի,
Դարձա թամամ մի սիրահար։
Սազիս ձայնը մտքիս ձայնն է,
Որ կանչում է միշտ՝ արի՛, յար՛,
Սազիս լեզուն իմ լեզուն է,
Քեզ հետ սազով եմ սիրահար։
Գաղտնիք չունեմ ես իմ սազից,
Կյանքում միակ ընկերս է, յա՛ր,
Նրա հետ միշտ թափառել եմ`
Երկրից երկիր ու սարե-սար։
Քո Թիֆիլին առանց սազի,
Առանց յարի չի դիմանա,
Սազով երգեմ սրտիս սերը,
Թող արար աշխարհ իմանա։