Օրս քեզ հետ անցավ, բայց թվաց ինձ մի պահ,
Աշխարհն ինձ տվին ու դարձյալ թվաց մի պահ,
Ախ, ինչ գեղեցիկ ու ինչքան անուշ օր էր,
Կապույտ Սևանը մեր երազների ծովն էր:
Հանձնվել էիր դու Սևանի ջրերին,
Ես ափին նստած ժպտում էի արևին,
Ախ, ինչքան անուշ ու ինչ գեղեցիկ օր էր,
Սևանի ափը մեր հեքիաթների ծովն էր:
Օրս քեզ հետ անցավ, բայց թվաց ինձ մի պահ,
Աշխարհն ինձ տվին ու դարձյալ թվաց մի պահ,
Վախենում եմ ես, քո հավերժ սիրուց իմ սեր,
Որ կյանքս էլ կանցնի ու ինձ կթվա մի պահ: