Իմ աննման սիրուն, քեզ հալալ կաթս,
Կեսրանց տանից միշտ լավ անունդ իմանամ,
Մեծերի պատիվը գլխից վեր պահիր,
Նրանք սիրեն, թող ես կարոտով մնամ։
Համեստ, խաղաղ եղիր, դեմքով միշտ պայծառ,
Բոլորն ասեն հալալ կաթկեր ես, բալա,
Քո վարքով բարձրացրու մեր տան պատիվը,
Նրանք պաշտեն, թող ես կարոտով մնամ։
Այս երգն էլ Թիֆիլին գրեց ինձ համար,
Իմ աննման աղջիկ, իմ արև անմար,
Միշտ անթառամ մնա՝ ձմեռ, թե ամառ,
Նրանց բույր տուր, թող ես կարոտով մնամ։