Մթնշաղն է իջել,
Օրորվում են լույսեր,
Գալարվում են լույսեր,
Դու չկաս:
Ինձ թվում է կգաս,
Ինձ թվում է հեռվում,
Դու թաքուն հայացքով
Ինձ ես լուռ հետևում։
Մթնշաղն է իջել,
Որոնում եմ հույսեր,
Որոնում եմ հույսեր՝
Որ չկան։
Չի լսվում ոչ մի ձայն,
Դու նորից չես գալիս,
Բայց ինչու եմ փնտրում
Ես քեզ միշտ, սիրելիս։
Ու թողնում եմ տխուր,
Փողոցը, որտեղ լուռ,
Որոնում եմ ու էլ՝
Չեմ գտնում։
Ախ ո՞ւր ես դու իմ սեր,
Կփնտրեմ քեզ հավետ
Ու կուզեմ, որ դու էլ
Գաս մթնշաղի հետ: