Աղբյուր, աղբյուր, ջա՛ն աղբյուր,
Ջուրդ գլգլան աղբյուր,
Վարդը բացվում է բույրով,
Սերն է ապրում համբույրով.
Թե որ գտնես իմ յարին,
Վարդ կցանեմ քո քարին։
Ալվա՛րդ, Ալվա՛րդ, ջա՜ն Ալվարդ,
Բլբուլն էրվում է անվարդ,
Հեռվից վառված քո սիրով,
Դեռ կռվում են քո սիրով.
Բայց ամենքից աշխարհքում
Քաջ Կարոն է քեզ սիրում։
Աղբյուր, աղբյուր, ջա՛ն աղբյուր,
Ջուրդ գլգլան աղբյուր,
Վայ թե ապին իմանա
Ու ինձ վրա բարկանա.
Պետք է մեռնենք երկուսով
Աշխարհքի մեջ նամուսով։