Բազում երգերի, հեքիաթի վարպետ,
Ջավախքի արև, աշուղ Սիայի,
Չես մեռնի, դու կապրես միշտ, առհավետ,
Ժողովուրդը փառքդ հոգում կպահի։
Բանավեճ է եղել, հաղթել ես շատին,
Երբեք չես խնայել տմարդին, վատին,
Չարին՝ «Օձ քաղաքի», դեմ արիր պատին,
Վնաս չեկավ սազիդ լարի մի հատին։
Թիֆիլին եմ՝ ամեն վայրկյան քեզ ծառա,
Լեզու առած ես քեզանից դաս առա,
Քո ջանքերով երգ ու սազի տեր դառա,
Դու իմ անմահ վարպետ, անպարտ Սիայի՛։