Ալ է հագել, ալ այտերով,
Կարմիր վարդ է կնքամայրը,
Տեսեք ոնց է հարսին զուգել,
Ինքն էլ մի հարս՝ կնքամայրը։
Քայլում Է ոնց թեթ կաքավ,
Խնդություն է կնքամայրը,
Ծաղկի բուրմունք է տարածում,
Օծում է իր անցած վայրը։
Սանահորը ողջույն տալիս՝
Խոնարհվում է կնքամայրը,
Քեզ նման տասը ծներ՝
Քո աննման անուշ մայրը։
Ասեք, Թիֆիլին ոնց գովի,
Գովական է կնքամայրը,
Հպարտացած ջան է կանչում
Ու քեֆ քաշում կնքամայրը։