Ուրախ կյանքի ընկերն եմ ես,
Ես գինին եմ, գինին, գինին,
Մի տաս գինին մի կյանք է քեզ,
Մեկից ավելն ահ է կյանքին:
Մի թասը լավ է,
Երկուսը բավ է,
Բայց լավ իմացիր,
Երրորդը ցավ է:
Ով խմում է հատիկ-հատիկ,
Նա դառնում է նռան հատիկ,
Ով խմում է բազմապատիկ,
Նա զարկվում է պատեպատիկ:
Մի թասը լավ է,
Երկուսը բավ է,
Բայց լավ իմացիր,
Երրորդը ցավ է:
Կյանքում այսպես ամեն մի բան,
Չափի մեջ է միշտ գեղեցիկ,
Նույնիսկ բաժակն ուրախության,
Իր չափն ունի, անչա՛փ մարդիկ:
Մի թասը լավ է,
Երկուսը բավ է,
Բայց լավ իմացիր,
Երրորդը ցավ է: