Հայոց վշտի, հայոց երգի,
Հայոց վերքի համար ծնվա,
Հայոց բառի, հայոց տառի,
Հայոց քարի համար ծնվա։
Հայոց հողի, հայոց ջրի,
Հայոց սարի համար ծնվա,
Սեր ու կարոտ, խինդ երգելու,
Ես իմ դարի համար ծնվա։
Սազը ձեռքիս մեկ խնդում է,
Մեկ հառաչում, տխուր երգում,
Մեկ ելնում է արեգակը,
Մեկ բուք ու հողմ, ձյուն է գալիս։
Իմ հայի պես հայ եմ ես էլ,
Վիշտ ու կարիք ցավ եմ տեսել,
Թիֆիլուս էլ մի վշտացնի,
Հազար կռիվ, դավ եմ տեսել։